Posté le: Mer Sep 24, 2003 0:42 Sujet du message: Zazavavy 13 taona novetavetaina
Citation:
Lalina mihitsy ny afitsoky ny lehilahy sasany amin’ity fanolanana zaza tsy ampy taona ity. Teny Ampasamadinika indray no nahita izany zavatra izany. Ankizy vavy 13 taona no novetavetain’ny raikeliny. Avy hatrany dia nilaza tamin’ny reniny ilay ankizy. Asa anefa izay nahazo an-dramatoa io, fa toa saika ho kobokoboniny tany angamba ilay zavatra. Tsy nilaza mivantana tany amin’ny polisy ny fandehan-javatra mantsy izy fa ny fokontany no nanatonany.
Raha nahare ny zavatra moa ry zareo farany ireo, dia nampandre avy hatrany ny tomponandraikitra misahana ny zavatra sahala amin’itony. Tamin’izay vao nampiantsoina ilay reny. Nilazan’ny mpitandro filaminana moa izy tamin’izany fa ny heloka mamoafady sahala amin’izao dia tsy tokony afenimpenina mihitsy, fa raha tsy izany dia voaray ho anisan’ny mpiray tsikombakomba amin’ilay nanao ny heloka izy. Efa mandeha amin’izao fotoana izao ny famotorana ataon’ny mpitandro filaminana ka amin’izany no hahafantarana ny tohin’ny raharaha.
Amin’izao vanin’andro iainantsika izao dia toa ohatran’ny ifandrombahan’ny lehilahy sasantsasany ny manao firaisana amin’ny zaza voatavo tsy mifandraka. Tsy aty Madagasikara ihany fa hatrany ampitan’ny ranomasina rehetra any. Tamin’ny vaovao hita teo amin’ny fahitalavitra no nahalalana, ohatra, fa any Angletera dia nivoaka an-gazety ny sarin’ireo lahy antitra antsoina hoe « pédophiles », izany hoe ireo manolana zaza tsy ampy taona. Sazy faran’izay enjana no mahazo azy ireny.
Ny aty amintsika kosa anefa dia indraindray vitan’ny raharaham-pihavanana eny. Tsy heverina kely akory ny hoavin’ilay zaza niharan’ny herisetra. Manamarika azy amin’ny fihainany manontolo anefa ny zavatra sahala amin’izao. Ary dia misy mihitsy no tsy tafarina intsony fa lasa mivarilavo manatevina ny mpivarotena.
Matetika koa rehefa tsy vitan’ny raharaham-pihavanana ny zavatra, dia ilay manao indray no mandrahona ireo niharan’ny herisetra, indrindra any ambanivohitra lavitra ny tomponandraikitra any. Tsy afaka miteny na ny raiamandreny na ny havana fa dia mangina fotsiny any. Dia mahazo vahana ry zalahy ary dia miverimberina ny heloka.
Vous pouvez poster de nouveaux sujets dans ce forum Vous pouvez répondre aux sujets dans ce forum Vous ne pouvez pas éditer vos messages dans ce forum Vous ne pouvez pas supprimer vos messages dans ce forum Vous ne pouvez pas voter dans les sondages de ce forum
