Efa tena maty eritreritra mihitsy ity ramatoa iray, tratran’ny fokonolona nandevim-belona ny zananany vao 5 volana tao anaty lavaka. Ny alarobia hariva tokony ho tamin’ny 03 ora tolakandro tany ho any teny Mahamasina, no nitrangan’izany.
Vehivavy tokony ho eo amin’ny 35 taona eo ilay ramatoa. Olona salama saina tsara no fijerin’ny fokonolona azy. Efa vitany ny lavaka, izay mifanaraka tsara amin’ny haben’ilay zaza, tsy nisy olona nahamarika mihitsy ny nanaovany anio lavaka io. Nalainy amin’izay avy eo ny zananany, nesoriny ny ankanjon’ilay zaza ary dia nampidiriny sady noteren’ilay reny tsivanona tao anaty lavaka ilay tsy manan-tsiny.
Nitomany ilay zaza, sendra nisy olona nandalo tamin’izay ka nijanona nijery izay zava-niseho avy lavitra . Voamarik’ity mpandalo fa toa mandevim-belona zaza ilay ramatoa, ka lasa izy niantso fokonolona. Nanontanian’ny fokonolona ilay ramatoa ary nolazainy fa mamo hono izy, ka tsy tsaroany izay zavatra nataony. Tsy nanaiky izany ny fokonolona fa netin’izy ireo teny amin’ny Police des Moeurs et Mineurs etsy etsy Tsaralalàna ilay ramatoa tsy matahotody.
Lasa zary fomba entin’ny olona ialàna amin’izay hadalàna ataony indray, ity hoe: tsy mahatsiaro tena ity, ka tsy tsaroana izay fihetsika atao, toy ilay Ministra iray teo amin’ny fitondran’ny 3e Repoblika tapany voalohany izay. Efa eo am-pelatanan’ny mpitandro filaminana moa ny raharaha, ka andrasana izay mety ho tohiny.
Vous pouvez poster de nouveaux sujets dans ce forum Vous pouvez répondre aux sujets dans ce forum Vous ne pouvez pas éditer vos messages dans ce forum Vous ne pouvez pas supprimer vos messages dans ce forum Vous ne pouvez pas voter dans les sondages de ce forum
