Communiqué Consul de Madagascar Passeports

[madagascar]

FILAZANA

Tiana ny mampatsiahy antsika teratany malagasy rehetra monina eto Frantsa fa ny fanavaozana pasipaoro dia tokony hatao fara faharatsiny enimbolana mialohan’ny daty fitsaharana voalaza ao anaty pasipaoro. Ny antony dia tsy maintsy halefa any Madagasikara ny fangatahana satria tsy vita eto antoerana izany fanavaozana izany ary dia tsy afaka manalava ny fananankeriny koa ny eto amin’ny Masoivoho.Ankoatr’izany dia ampahafantarina koa isika fa ny fanomezan-dàlana na « laissez-passer » dia tsy azo hatao raha tsy noho ireto antony manaraka ireto :

1° zaza tsy ampy taona ka tsy mbola voasoratra ao anatin’ny pasipaoron-drainy na reniny ; alohan’izay anefa dia tokony ho efa voasoratra ato amin’ny boky fitanana ny sorampiakononana eto amin’ny Masoivoho ilay zaza.

2° ny olona efa nanao fangatahana fanavaozana mbola tsy nivaly nefa voatery mandeha any Madagasikara noho ny antony tsy azo hanoarana, ohatra : fahafatesana, famadihana na koa faharariana.

3° ny olona efa lany ny fahazoan-dàlana mipetraka eto Frantsa ka maniry ny hody ; amin’izay indray dia entiny ny pasipaorony ka hatolony ho takalon’ny laissez-passer.

Ny malagasy mizaka ny zo-pirenena roa, frantsay sy malagasy, ka lany andro ny pasipaoro malagasiny dia tokony hangataka « visa » amin’ny pasipaoro maha frantsay azy ka rehefa tonga any antanindrazana dia manao pasipaoro vaovao. Marihina fa ny fangatahana pasipaoro vaovao ho an’ny teratany malagasy monina eto Frantsa dia tsy maintsy mandalo eto amin’ny Masoivoho.

Mino sy manantena izahay eto amin’ny Masoivohon’ny Repoblika Malagasy fa samy handray ny tandrify azy avy ampitiavana isika mpiray tanindrazana.

Misaotra Tompoko.
_________________
Madagascar only !

[Publicité]