|
INTERVIEW
.... NDONDOLAHY
SY TAHIRY
Ndondolahy sy Tahiry, mpianadahy tsy zoviana
amin’ny Malagasy eo amin’ny sehatrin’ny mozika.
Ndondolahy, fara-lahy no sady kambana mianadahy
ao amin’ny dimy mianadahy ; Tahiry, vavy matoa
anin’ny 4 mianadahy no vahinin’ny Madanight
MN : Manao ahoana Ndondolahy sy Tahiry. Fa iza marina moa ianareo ? ary avy
azia ilay anarana hoe « Ndondolahy » ?
 ND
: Ny anarako dia i Raharison Veloary Lala, teraka
ny 11 mars 1975 izany hoe 30 taona ary tsy mbola
manambady fa mety amin’ity taona angamba. Ilay
anarana hoe « Ndondolahy » dia anaran’Ambositra
fony izaho mbola kely.
TH : Ny anarako dia i Ramanandraitsiory Tahiry, teraka ny 09 Desambra 1981 izany
hoe 23 taona ary tsy mbola manambady koa.
MN : Mba azonareo lazaina ve hoe hoviana no niforona ny tarika Ndondolahy sy
Tahiry ary inona no namporisika anareo hira
?
ND : Tamin’ny taona 1998 izahay no nanomboka nihira. Efa tsapanay talohan’izany
fa tia mihira izahay satria na mamonjy lanonana
izahay na mamonjy fetim-pianakaviana dia miakatra
an-tsehatra foana.
MN : Efa namoaka raki-kira ve ianareo ? firy izy ireo ary rahoviana ny manaraka
?
ND : Telo izao ny raki-kira efa navaokanay, ny voalohany « Falifaly »,
ny faharoa « Izahay roa » ary ny fahatelo
« Ambiansy » ary ny faha-efatra hirina
hivoaka amin’ity faran’ny taona ity, izany hoe
amin’iny volana ôktôbra 2005 iny.
MN : Ahoana no fahitanareo iny taona 2004 iny, na koa ny efa lasa ?
ND : Ny taona 2003 aloha no taminay no tena nahavita zavatra betsaka no lehibe
izahay kanefa tsy lats-danja amin’izany koa
ny taona 2004 teo. Marihana moa fa ny isan’ireo
fiakarana an-tsehatra nataonay hatramin’izao
dia misy efa hatramin’ny 112.
MN : Ary ahoana kosa ny fandaharam-potoana amin’ity taona 2005 ity ?
ND : Maro ireo izay heritreretina hatao amin’ity
taona ity fa ny tena efa raikitra aloha dia
ny fandehanana any ivelany. Hanao fampisehoana
misa 6 eo izahay any Frantsa, ao Parisy izay
hanomboka ny 21 martsa hoa avy izao ary aharitra
2 volana izany, mandritra izany moa dia ho hita
eo ny fandehany raha ohatra ka mahazo « contrat
» hafa ao Frantsa ihany.
MN : Misaotra indrindra anareo ny Madanight nanome fotoana fohy kanefa saro-bidy
tokoa, ka eto dia avelanay ianareo roa hamarana
ny tafatafa amin’izay hafatra tianareo hampitaina
amin’ny mpitsidika ny tranonkalan’ny Madanight.
ND : Manakaiky foana ny mpankafy sy mitady izay mahafam-po ary koa miezaka amin’ny
kanto rehetra ny tarika Ndondolahy sy Tahiry,
tsy mifidy saranga, na lehibe io na ankizy.
TH : Tia be foana !!! Mirary ny fiarahana amin’ny mpankafy ho mamy be foana.
Ny mozika Malagasy ho tody amin’ny avo indrindra.
Rija
Moria - Droits de reproduction et de diffusion
réservés © MADANIGHT.com., Madagascar, Janvier
2005
|
Revenir à la rubrique musique