|
Ny Eja
....
mpanoratra sady mpamoron-kiran’ireo mpanakanto fanta-daza eto Madagasikara. Renim-pianakaviana ary manan-janaka telo no vahinin’ny Madanight.
MN : Manao ahoana ianao, ary misaotra anao nanaiky ho vahinin’ny Madanight. Afaka mba mampafantatra ny mombamomba anao ve ianao ho an’ny mpitsidika tranon-kala ?
NE : Manao ahoana, ny anarako moa dia i Solonomenjanahary Eugénie ary ny solon’anarako dia Ny Eja. Ny nahatonga ahy nisafidy io solon’anarana io moa dia ny teny hoe « Eja » dia midika anjara, bika, haingo ary hatsarana. Izao moa dia tia ny natiora raha teo.
MN : Asa fivelomana ve ny fanoratana aminao sa ahoana ?
NE : Ny fanoratana amiko dia fialaham-boly fa mety any aoriana any angamba aho vao mieritreritra ny hanao fampidiram-bola amin’ny asa-soratra. Fa izao moa aho mbola eo amin’ny fikarakarana ny boky nosoratako izay mitondra ny loha-teny hoe « Ny Kanto » hivoaka amin’ny volana Desambra ho avy izao.
MN : Ianao moa miara-miasa amina mpanakanto, ary ireo tonon-kira noforoninao vetivety dia malaza. Avy aiza ireo aingam-panahinao ?
NE : Eny tokoa, miara-miasa amina mpanakanto maromaro aho toy i Tovo J’Hay izay izaho no nanoratra ny tonon-kirany : « Teny mamy », « Nofy lalina », « Aza avela » ary tamin’i Bodo : « Fenonao », « Tsarony », tamin’i Joy K : « Omeko anao ry A », « Eny » ary farany izay hivoaka atsy ho atsy an’ i Nanie izay hitondra ny lohateny hoe « Satria tiako ianao ».
Ny aingam-panahiko moa dia tonga ho azy eny, miankina amin’ny fihetseham-poko, sy ny zavatra hitako manodidina ahy. Fa izay soratako rehetra dia mitondra fahasitranana amin’ny mpamaky sy ireo mpihaino.
MN : Ahoana no fahitanao ireo zatovo mpihira sy mpamoron-kira amin’izao fotoana izao ?
NE : Samy manana ny azy aloha e ! Fa ny sasany tsy tokony hanao kitotoha izany hoe miteniteny foana fa tokony hisy ny mahakanto azy fa tsy ampahany fotsiny.
MN : Eto am-pamaranana dia inona no tena fanirianao amin’ny asa-soratrao ?
NE : Ny tena tiako sy ny faniriko dia ny hisy mpandika amin’ny teny vahiny hafa ny asa-soratro, marihako anefa fa ny asa-soratro rehetra dia efa eo ambanin’ny fiarova’ny Omda ka hiangaviana izay te-hanao izany mba angataka alàlana amiko.
MN : Misaotra indrindra anao ny Madanight
NE : Tsy misy fiasorana, amin’ny manaraka indray.
www.nyeja.news.fr
Rivo Moira pour Madanight - Droits de
reproduction et
de
diffusion réservés © MADANIGHT.com., Madagascar,
Novembre 2004
|
Revenir à la rubrique musique